قالوا لا تبكي على أمك
قلت كيف وهي روحي ودمي
وقالوا ويش تعني لك أمك
قلت كل شيء ولا يفيد مدحي وذمي
هي أم الكل واسأل خالك وعمك
وأجبر الكسر يا رب وشد عزمي
يمه الموت تخطى الغير يمك
ولا تنفع النخوة بأخوي وخالي وعمي
ودي بحبة على خدي بفمك
ودي تناديني وأقول سمي وسمي
أنت الخير يا أمي والخير همك
وأنت يمه صرت اليوم همي
يا ليت أحطك على صدري وأضمك
فداك يمه قلبي وعيني ودمي
ودي أركض وأجي بشوق يمّك
وأنت بحنان وشوق تجين يمّي
يمه أنا ما أدري وصوتك وهمسك
الحقيقة.. اختلط علمي بحلمي
بمه جاك الموت من غير علمك
وحتى أنا والله من غير علمي
هذا قدر ربي.. عفوك ومنك
لا اعتراض على حكمك والعمر تمّ
والله ما أقطع وصلك ورحمك
وهمك ترى عندي كيف وكم
عسى ربي ينقي لحمك وعظمك
وينور القبر ويكشفه من كل غم
يا رب جنات فردوسك وعدنك
هي بيتها وارحم يا رب أمي
يمه الوعد في الجنة أخمك
وصدري على صدرك وجسمي ولحمي
"مدارات شعبية"