الخيل يا مشكاي من عقب مدراج
مالي بها شف ولا نيب عاني
ياما على صعب اللزز فرق افواج
وياما تهبد كل ثالث وثاني
وياما ركض سيل محول وثجاج
يبري ويدمي والمعاني معاني
وجه مبارك والسعد فيه منهاج
ولا يوم من مر الفشيله سقاني
ما همني كسبه ولا نيب محتاج
رزقي على اللي عالم ما وطاني
يهمني شوق لشوفته وهاج
واللي يحبه بين قاصي وداني
يرضى بحكم الله ولا يوجس ازعاج
من يدري أن العمر والمال فاني
| 
"الريـاضيـة"