باكر الى منا ظهرنا مع الريع
جينا المنازل والنخل بالشعيب
بس البيوت اثنين معهن توابيع
اثنين والثالث هله بالمغيب
يامن يرد الزمل يم التسانيع
يامن ينادينا وحنا نجيب
يا اللي تبي لك ناقد بالمراجيع
تكفى ترى فينا المضارب تصيب
تجوز فينا الطيبة والمنافيع
وطماعة فينا بعد للبيب
حنا هل الشيمة بليا تمانيع
هل العطا الواجد والاصل العريب
وكيف إذا سيرت ما فيه تمنيع
بدلال ما يعرض عليها السريب
ما همني إلا ركيب مجاويع
السمن لايذ والغنم بالعزيب
ضمر وحفيات واهلهن بواتيع
فيها اللغوم مقصصات السبيب
يبون من يبرا التعب والقواطيع
كبش يسام بصافيات الحليب
امضيِّفة خطارنا بالمصاميع
بالعزم والا ماش معنا قضيب
ان شفت في نفسي مواري تهازيع
ما أطاوع النفس الهنوع تغدي بي
وان شفت في نفسي مواري ترافيع
رفعتها والطيب للي يطيب
رفعتها والمدن فيه التمانيع
والخالق الرازق يبي يعتني بي
عيفي الردي يالابسات المجازيع
عيفيه ياعين القضيب الربيب
لا تاخذين إلا العيال البواتيع
لطامة العايل نحاز الحريب
تلقى الردى عند القهاوي مكاويع
لعراش والا لقمة ما تثيب
"مدارات شعبية"