حج الحجيج وعاد والحج مبرور
والفضل لله ثم لأهل الحميه
الفضل لله ثم حماية الدور
آل السعود أهل الفعول الجليه
يا خادم البيتين بالسعي مأجور
يا باذل للخير باخلاص نيه
في خدمة البيتين لك جهد مشكور
يا كبر حظك عند رب البريه
خليت بيت الله بالآيات معمور
وقدمت خدماتك لمسجد نبيه
وكل المشاعر صارت إنفاق وجسور
من عقب ما كانت جبال عصيه
من حج حج وعاد ما صادف قصور
وقدم لك العرفان شكر وتحيه
الحج مبرور وله الذنب مغفور
انهى المناسك كلها باريحيه
اللي قضى فرضه رجع وهو مسرور
ودعا لك الله يا كريم السجيه
يا خادم البيتين لو اقعد شهور
ما احصي رب ما تقدمه للرعيه
جهدك للاعمى صار بيّن ومنظور
عز الله أن ذمتك منا بريه
الصعب في عهدك غدا اليوم ميسور
والكايده صارت بعهدك هنيه
وولي عهدك بالفضل دوم مذكور
سلطان كفه بالوهايب نديه
ان قيل ابو خالد ترى الاسم مشهور
بالجود كنه مزنة عقربيه
ونايف بمدحه يخضع الشعر بسطور
ويعطيه حقه بالبيوت العذيه
نايف على اسمه نايف كنه الطور
وزيرنا اللي كلمته صيرميه
أمن الوطن رساه برجال وسبور
وبالداخلية له رجال وفيّه
منهم محمد راعي العرف والشور
ابوه نايف والسواعد قويه
بمواجه الارهاب ما صابه فتور
له قلب يجمع به وصوف شجيه
هذا كلام قلته بصدق وشعور
ما نيب اجامل يشهد الله عليه
وان شك بجهود الرجاجيل موتور
حسيبه اللي في يديه المنيه
اعماه حقده وابتدى ينفخ الصور
لارحم ابو ميته ولا رحم حيه
وراح لقناة الشك والكذب والزور
وروج بها كذبه وزاد الخطيه
ذيك الجزيره منبر الفسق والجور
مهوى العقول الخاوية والرديه
فيصل وعازار والنذل ولد منصور
وجمال مع حداد روس القضيه
باوصافهم ما بين جرف لحادور
يدعمهم اللي علته داخليه
من كذبهم لو يضحك الشخص معذور
معذور لو يضحكه شر البليه
يالحاسد المشبوه خذها على الفور
مالك امانة يا خبيث الطويه
ما انته صري انته عميل ومأجور
وحقيرتك ما هيب والله صريه
وعلى النبي صلوا عدد ما شرق النور
وعداد من ضحى بعيد الضحيه
"عزيزتـي الجزيرة"