دايم ترى الظميان يبحث عن المي
ون شاف غيمة راودته الأماني
من يحترق بالشمس يرتاح بالفي
ما يحتمل ياقف مكانه يعاني
زهر العمر يذبل ومحتاج للري
ما ينترك يقسى عليه الزماني
من كان فيه النبض في داخله حي
قلبه يخفق بالضلوع المحاني
لو عتمت دنياه يشتاق للضي
ضي يحرك فيه حلو المعاني
ياخذ من أيام العنى فرحة شوي
يلقى بعض أوقات فيها حناني
قالوه قبلي يذكر الشي بالشي
وانا ذكرت الشي والعمر فاني
"مدارات شعبية"