يا هني من هو حج والحج مبرور
ويعود من حجه وتغفر ذنوبه
وسلام مني لك وباقول ماجور
يا حاج ترجع بالسلامه وتوبه
دار السعودية ترحب على الفور
ناسٍ من أجلك نومهم ماهتنوبه
رجال تعمل تاخذ النصح والشور
بتوجيه أبومتعب ورايه مشوبه
مليكنا اللي لراحة الحاج مسرور
خادم بيوت الله زعيم العروبه
يشهد لهم شهادةٍ مابها زور
لخدمة ضيوف الله سنين محسوبه
أمن وأمانٍ لك وراحه ودكتور
وجميع ما تحتاج راحوا وجوبه
وبامر الولي مقبول حجك ومبرور
وتفوز بالرحمه وتخشى العقوبه
لبيت للرحمن بالحج وتزور
مسجد رسول الله وتكسب مثوبه
أديت ثم وفيت نورٍ على نور
حجك صحيح وسالمٍ من عيوبه
واقبل تحياتي وباقول ماجور
وياحاج ترجع بالسلامه وتوبه
"مدارات شعبية"