الولاء لأهل الولاء محتوم والبيعه قديمه
ورث جد آبائنا واليوم ينطقها حفيده
حكم حكام الجزيرة يا عسى ربي يديمه
قالها اللي حبهم بالدم يجري مع وريده
حكم عدل وحكم خير وحكم دين وحكم شيمه
بالكتاب وسنة الهادي وتوحيد العقيده
قالها اللي من صميم القلب من أقصى صميمه
يعتبرها فرصة له يا حكومتنا الرشيده
الملك عبدالله اللي كل كلماته حكيمه
يا عسى عمره طويل ويا عسى أيامه سعيده
كلمة له قالها للغرب ما نبغى الظليمه
العرب والروم هي والفرس صارت له شهيده
كم سجين أطلق سراحه كم جبر عظم كصيمه
وصدر أمره في قبول التوم واعلن بالجريده
وقال أنا تقبيل كفي يعتبر عادة ذميمه
وأقسم وقال الجلاله ما تجوز اسم لعبيده
والرواتب زاد فيها في مراسيم هميمه
وشوون شيبان كبيرت سن زود في رصيده
وده إن الشعب دايم ما يشوفون الهظيمه
وده إن الشعب كله نال مقصود يريده
وش اعدد وش اخلي من مشاريع عظيمه
كل شعبه باركو له بالمراسيم الجديده
عاد عيدك يا ملكنا في وقار وفي حشيمه
عاد عيدك عاد عيدك عدة أعوام عديده
والولي اللي تولى العهد في عزم وشكيمه
نعم منهو له عضيد الليث نظراته بعيده
راح أبو خالد زيارة في مهمات جسيمه
وعاد والبسمة على محياه والعوده حميده
كم مريض وكم فقير وكم يتيم وكم يتيمه
وكم عجوز يدخل التأهيل من أية بديده
والمعاق اهتم في وضعه وزال اللي يظيمه
كم عطاهم وأنفق الأموال ما فيها جحيده
عاد عيدك يا الكريم وصاحب الكف الكريمه
عاد عيدك عاد عيدك عدة أعوام مديده
أسرة ربي جعلها خير وقلوب رحيمه
سجلوا صفحات بيضاء في سجلات مجيده
وعاد عيد الشعب كله والوفود المستقيمه
نطلب الله نطلب الله كل عام إنه يعيده
نطلب الله يخذل أهل الشر وأرباب الجريمه
نطلب الله ينصر الإسلام والخاين يبيده
مملكتنا مملكتنا مملكة حكم وزعيمه
من جنوب الشام جنب لين تقبل للحديده
من بحرها لابحرها من ظبأ لشرقي رحيمه
نحمد الله دارنا في أمن والعيشه رغيده
قالها موطن من الفدعان والنيه سليمه
وايلين عزوته عناز والبيعه أكيده
قالها من قلب مخلص ما بها سب وشتيمه
ما يبي مثقال ذرة غير تقديم القصيده
"مدارات شعبية"