بَرْشَهْ أحبك قلتها لك وبالزّاف
يعني كثير بالعراقي اِهْوايَه
إيه أعشقك من راسك لحد الاطراف
(وايد) أحبك وانت غاية منايه
عيني غطا والعين الأخرى لك لحاف
ياللي ملكت القلب خلّك معايه
أسرفت في حبك وأنا أدري بالاسراف
عند الولي حكمه علينا جنايه
اسرجتلك مهرة قصيدي على القاف
آيه- ولحني يطربك عزف نايه
مسحوب (جيتك واللحن عندي اصناف
وإن ما طربك لحني أغيّر احْدايه)
انشد لك (هجيني) على راس مشراف
وابني لك (مروبعْ) واشدّ البنايه
واصفّ لك (عرضه) (وقلطه) ولاخاف
من شيلة السمك (سامري) ياغلايه
في كل لهجات العرب هي والاطياف
نظمت شعري وادري انه غوايه
"مدارات شعبية"