برد وحفا وأحزان شوق وحكايات..
ذكرى ليالي من سنينٍ... خجوله
عدّت بخافق كله جروح واهات
ليل.. ومشاعر... والقصايد عجوله
باسم الشقا.. كان السهر.. شمع واشتات
أهرب من الحاظر وحزني يطوله..
ميلاده الموعد على همّ لحظات
الشوق دايم مسرجٍ له.. خيوله
ما يدري إن الحب كلّه معاناة
أحيان فكري يندفع في افوله
ياقف على اطلال السفر والمتاهات
تذكار يتعب خاطري في حلوله
يطغى على روحي ويطغى على الذات
مرتاح واحزاني تهنّي وصوله!!!
وش عاد باقي غير حبٍ وقد ماااات؟!!
مشوار عمري/ مامضى في سهوله
في يوم يرجع؟؟ أو.. ماعاد. هيهاات
مشوار يادمع الندم في نزوله
دار الزمان وماضي الوقت قد فات
غير الخيال وهاجسٍ بي ذهوله!!
على الأماني ياخذ الشوق وقفات!!
عاد الألم يرمي مراسي حموله
وين الامل باقي من الليل سجات؟؟
هذا كتاب العمر تحزن فصوله
حاير قدم والدرب كلّة ملفات
العمر رايح والفرح في ذبوله
معاد باقي له بدربي محطات..
لا هو بحولي...لا.. ولا نيب حوله
مافاد به رجوى ولا فاد فزعاات!!
وش عاد باقي يمكن اني اقوله؟؟؟
والحزن هذا باقي له علاماتّ!
وش الذي باقي وأرجي هطوله.؟؟
حلم الغلا مازال؟؟ باقي ولا مات؟؟!!
ماتت ومعها مااات حلم الطفوله
والليل ساري وابعدتك المسافات
"مدارات شعبية"