ياشينها يوم انكسر خاطري منك
وردّيت وحدي دمعتي وسط عيني
قالوا الخطر ياتيك من حيث مامنك
حكمه صحيحه ثابته باليقيني
ياما سهرت الليل شلت العنا عنك
ما كنت اظن ان الجزا تجرحيني
كنت ارتجي عطفك وغاية تضامنك
اعلنت حبك بالفؤاد الرهيني
ياما طعنت القلب ما قلت باطعنك
كيف اطعن اللي صار مني وفيني
قد ذقت طعمك يا المراره مع الضنك
تر كل صعبٍ لأجل عينك هويني
بس اسمعيني وافهميني واراهنك
إني صبرت وقلت ربي يعيني
روحي لقلبي وادخلي واسألي عنك
تلقين حبك صار طفلٍ حزيني
ما امتلك درهم ودولار وفرنك
كنزي فؤادٍ بالمحبه ثميني
ياللي تقول الحب هو مكسب وبنك
شفت المحبه في زماني تهيني
صعبٍ تلاقي من فعوله تطمنك
واللي بحبه كل قاسي يليني
"مدارات شعبية"