لا باس ياللي تشكي الهم لا باس
حاول عسى درب المعزة تدله
ارفع نظر عينك مع هامة الرأس
خل النظر صوب النجوم المطله
لو تدري بهمٍ على خافقي داس
بنيت لك في الهم تسعين فله
أضحك وأنا اللي شارب كأس الاتعاس
حاولت أجامل بس بالجوف عله
كله لأجل عطر الليالي والأنفاس
ريح الخزامى والنفل جاك كله
لا ناظر بعينه ضحك شفت الالماس
والثلج وسط الجمر والشعر فله
وقام يتمايل بالخصر ظبي الاطعاس
وسيف الهوى والعشق للناس سله
قصة سفر قصة حزن قصة الكاس
شربت أنا كاس المحبه وكله
"مدارات شعبية"