مدري وش ألي حدني لين مريت
ذاك المكان ألي يجدد جروحي
كنت أتجنب دايم أمر ذا البيت
واليوم مريته وسجلت بوحي
يا بيت خبر ساكنك كيف عانيت
ثم خبره عني بصدق ووضوحي
قل له تراني ما نسيت وتناسيت
وقل له مكانه في عيونه وروحي
وقل له معي غيره ترى ما تهقويت
وعلى العهد باقي لطاري أنوحي
ولغير حبه ما ذكرت وتعزويت
اذكر سنينه يوم هو لي نصوحي
ويا طير ياللي ف الخضيرا تعليت
خذ مني إرساله قبل ما تروحي
أنت الرسول اللي على السر وصيت
احفظ وصاتي جد ما هي مزوحي
وإذا وصله العلم كفيت وفيت
ترفع لك البيضا بروح ألسفوحي
وان كان من خلي بالأخبار ما جيت
يلحقك مني لوم كان أنت توحي
وش فأيدة يا ليت يا ليت يا ليت
ما من كلمة ليت غير الجروحي
"مدارات شعبية"