يا مل قلبٍ من شديد العرب جاض
كما يجوض إليا اوجس الكي ممروض
لا والله الا صار للبدو نضناض
دونك حجير مغيزل العين مقضوض
طمنت راس للمنازل ولا راض
ولا شفت بيتٍ بيسر البدع منهوض
يا من يبشرني عسى شيخهم راض
وين انت ياللي لك مع البدو ملحوض
طووا ورووا وانتووا عقب مقياض
ولا نيب راجيهم الي جرت الحوض
يوم استقلوا والمظاهير فقاض
غدا لهم دون المشاريف عاروض
شفوا وهفوا واتقوا عقب معراض
وامسيت حال من هوا زيد مقروض
عفت المسير وبت لشفاي عضاض
مثل الهجين اللي من الشيل مبهوض
والدمع من عيني على محجري فاض
فيضة شعيب فايض له على روض
يبون براقٍ على دارهم ناض
مختلطةٍ به عشبة الصيف وحموض
إذا استعز القلب وعنز بالابراض
تعرضه من طاري البدو عاروض
"مدارات شعبية"