يا ربعنا يا اللي على الفطر الشيب
عز الله إنه ضاع منكم وداعه
رحتوا على الطوعات مثل العياسيب
وجيتوا وخليتوا القلبي بضاعه
خليتوا النادر بدار الاجانيب
وضاقت بي الآفاق عقب اتساعه
تكدرن لي صافيات المشاريب
وبا العون شفت الذل عقب الشجاعة
يا ذيب أنا بوصيك لا تاكل الذيب
كم ليلةٍ عشاك عقب المجاعه
كم ليلةٍ عشاك حرش العراقيب
وكم شيخ قومٍ كزته لك ذراعه
كف بعدوانه شنيع المضاريب
ويسقي عدوه باالوغى سم ساعه
ويضحك إلي صكت عليه المغاليب
ويلكد على جمع العدو باندفاعه
وبيته لجيرانه يشيّد على الطيب
وللضيف يبني في طويل الرفاعه
جرحي عطيب ولا بقالي مقاضيب
وافختّ حبل الوصل عقب انقطاعه
كني بعد فقده بحامي اللواهيب
وكني غريب الدار مالي جماعه
من عقب ذيب الخيل عرج مهاليب
ياهل الرمك ما عاد فيهن طماعه
قالوا تطيب وقلت وشلون أبا طيب
وطلبت من عند الكريم الشفاعه
"مدارات شعبية"