لا والله الا دوبحن الليالي
واقفن بشيمات العرب والمرواه
اقفن ولا خلن للاجواد تالي
الا ذنانة واحد وين ابلقاه
داست صناديد العرب بالنعالي
وطتهم الدنيا والأيام عدلاه
العود عند الناس ما له جلالي
والعفن صارت كبر أبانات علباه
يمشي بلا رفق كثير الحلالي
ويثار عن وجهه وتسمع حكاياه
هذا زمان فيه قطع العقالي
الرحم هو والجار ما عاد له جاه
والوالد اللي حشمته والجلالي
فرض رخص عند أكثر الناس طرياه
قاله نبي الله صدوق المقالي
في تالي الدنيا لكع طال مبناه
يا لعود لا تسعى لجمع الحلالي
لا صار عند الكبر تسفه حكاياه
لعل من يرث حلال لتالي
لا يلحق الأول ولا يلحق اتلاه
يشرب قراطيع من الشري قالي
حفنات مكروه صباحه وممساه
العود يوم أنه يجيب العيالي
يبغي بتالي العمر سجه وطرباه
كبر الولد دلى يلم الحلالي
طاع المرة والعود له سبع كوباه
تمت وصلوا عد وبل الخيالي
على نبي غز للدين راياه
"مدارات شعبية"