مرت سنة يا بوي من يوم فرقاك
ولليوم مدري كذب والا حقيقة
مرت سنة والعين تدمع بطرياك
ومن كثر حزن القلب تسمع صفيقة
مرت سنة والبيت خالي بلياك
والعالم أشوفه من رحلتم يا ضيقة
لفوا كفن والطيب حطوه باعضاك
وسط اللحد سجوك بحفرة عميقة
ثم ادفنوا بالترب صورة محياك
ومن بعدها كلٍ رحل في طريقه
ميت ولكن حي عندي بذكراك
ولا غبت عن بالي ولو هي دقيقة
لجلك وسط قلبي مقامك ومرباك
واسمي ربط باسمك واصبح وثيقة
أنسى حياتي بس أنا كيف ابنساك
وصورة خيالك في منامي لصيقة
ما عشتها دنياي من بعد دنياك
فرقاك وسط الجوف شبت حريقة
الشعر قبل أنعيك يا بوي ينعاك
وابكي غصب من شي ما اقدر أطيقه
ضيف الله مناور البدراني /المدينة المنورة
"مدارات شعبية"