خلاص خل اللي وقف معك ينفعك
إن كان تذكر من وقف معك ضدي
اللي تناصحته على وقفته معك
حتى رضيت أنك تضحي بودي
مدري وش اللي ساومك فيه وأقنعك
وأصبحت للي يأمرك مستعدي
خله على كل الحقايق يطلعك
وتشوف منهو ل صادق الود يدي
خسرت كل السيطرة من تسرعك
من دون لا تسمع وش ايكون ردي
والله لو قلت الحقيقة وأنا أسمعك
أن كان قلت أزمة عساها تعدي
ما قول لك دربٍ يجيبك يرجعك
ولا عاد أوريك الجفا والتحدي
إلا اليا غيرت عندي طبايعك
هذاك مالك وقتها غير صدي
الرأي رائي وانتظر لين أودعك
حقك علي إذا تعديت حدي
والا انتظرتك لين تهدأ زوابعك
كان اعتقادك للزوابع تهدي
وهلحين خل اللي وقف معك ينفعك
أن كان تذكر من وقف معك ضدي
"مدارات شعبية"