توادعني.. وأقول الله يصبرني على فرقاك
وِش اللي تتركه.. غير السهر و الشوق في عيني
سوَاة العِشْق.. فيني منك.. تامرها ولا تنهاك
وأنا منها.. حشا ما انهى.. سوايا عشقها فيني
معي حتى الجروح تموت.. من زود الهوى تهواك
تقول الله على جرحك.. دخيلك.. لا تداويني
أنا رهن الهوى.. وأمشي معه من وين ما وداك
لو انه ساقني للموت.. خليته يوديني
ما دام أنه معي طيفك.. ولو كان المراد ألقاك
بقايا صورتك.. بآخر لقا.. في طيف كافيني
على وعد انتظار.. أرجي يديني تلتقي يداك
عسى الله.. لا يعدِّمني يدينك بين يديني
وإلى عاد الوداع.. الله يصبرني على فرقاك
أَباقْفي وابتسم وأنت اعرف ان الشوق في عيني
"مدارات شعبية"