يا لله يا والي على كل والي
ياللي رفع سبع الشداد وبناها
شرق البلاد وغربها والشمالي
وجنوبها مع نجدها إقبل دعاها
في وابل يقعد له أربع ليالي
والمملكة تستقبله من سماها
ترزم رعود المعصرات الثقالي
وتغدق على شبه الجزيرة بماها
غيث من الثجاج عذب زلالي
لاهل فوق البيد يروي ضماها
وتصير عقبه مثل خضر الزوالي
مروج تشرح خاطر اللي يراها
ويسعد ملكنا بإذن رب الجلالي
بشوفة ربيعٍ بالزهور يتباها
عبدالله الرجل العظيم المثالي
اللي خوافقنا بحبه سباها
الفارس المغوار صعب المنالي
صحايفه بالعز يبرق سناها
غالي ووجه الخير سلطان غالي
ولي عهده كل عليا رقاها
آل السعود المخلصين الرجالي
حكام دولتنا وغاية مناها
المعذره لو فالقصيدة ميالي
وصلوا على المرسول في منتهاها
"مدارات شعبية"