الهرج سم الكبود اللي يفج النحر
وهرجتك يا ابن الحلال أشبه بسم الكبود
مدري تجي من نحر وإلا تجي من سحر
وأنا أدري إنك ما تقصدها ولا أنت بحقود
من أجل ذلك رمينا غلطك فالبحر
والصمت في بعض الأحيان أبلغ من الردود
إبليس ياما على شانك دحرته دحر
والصبر محدود عندي وأنت ما أنت امحدود
ما يشرب السم غير الجاهل المنتحر
وش هو على شانه الجاهل بنفسه يجود
ما كل ما يخرق العادة يسمى سحر
مرات تلقى الخوارق في وساع البنود
نحرت غيظي على باب التسامح نحر
واخترت عن زلة الأصحاب بعض الصدود
ماني من اللي ليا جات اللوازم جحر
خليت لطم الخدود، لزاهيات الخدود
"مدارات شعبية"