ما جيت أغني للوطن باول العيد
إلا انثر احساسي بجوفه واضمه
واهدي له أشواقي مع الورد أناشيد
واسجد على ترابه طهور واشمه
وانام في حضنه على كيف ما ريد
وافز من نومي واناديه يمه
ما جيت اسلي خاطري عقب توريد
إلا على ما جيت روحي تخمه
وأوراحنا لجله على راحت الايد
نقدمه من غير من ومذمة
سبحان من خصه على الكون تحديد
يأمة بين الأمم خير أمة
نور الرسالة وأول الخير توحيد
يالوقت اللي لازم به الرجس همه
يا منبع الإسلام شرق وتسند
يا مهبط القران واصل المهمه
ما ننكرك يا دارنا أبداً ولا نحيد
من ينكر لروحه ولحمه ودمه
يا راضعاً من مقلتيها الى الديد
استغفر الله كيف تقدر تذمه
يالقاصر اللي ما يعرف المواعيد
اللي قصر راسه على راس كمه
صبت العقوق اللي نزل فيه تشديد
ويل لك.. وبيس الليقاء والمطمه
ان الرسالة بينت لك باسانيد
يامن طعن في خنجره راحة امه
يا موطن سطر له المجد تمجيد
ينسج حروفه من محاليل دمه
بفضل الذي وطد لنا الأمن توطيد
وارسى دعايم شرعها واستلمه
عبدالعزيز اللي جمعنا عن الحيد
ضم الشتات اللي تنثر ولمه
ومليكنا اللي شيد المجد تشييد
راع المواقف والعلوم المهمه
يا سيدي ما كل من قيل له سيد
يرقى حياض المجد والا يزمه
ولا كل من قال القصايد قواصيد
ولا كل ما سولف على الناس ذمه
بس انت يا عز العرب زدت وتزيد
ناخذ من أفعالك عناوين همه
وربي خلق سلطان غيث المساعيد
ولي عهد الدار الا يتمه
واميرنا بحايل عسى عيده سعيد
من ضامته دنياه ملفاه يمه
ونايبه وان صارت على صدر توريد
راع الجمايل والمهمات سمه
هذي مشاعرنا قصيد وزغاريد
ننثر عبيره بالتراب ونلمه
نغني على اسمها مواويل ونعيد
يأمة بين الامم خير أمة
"مدارات شعبية"