كل ما عيدوا بالعيد قلت اهني
واحدٍ من غلاه اصد لامريته
خايف من كلام الحاسد المتجني
لا يصور وينقل شيء ماسويته
داعي الشوق يدفعني واجي متعني
لو يطول الطريق الدرب مامليته
وانت بيدت حالي بالتصدد عني
كيف اعود وبعض الناس ماهنيته
وانت شوفك بعيني عيد يا فاتني
كل مازل عام اطلب عساه وليته
الليالي تفرق والخطى حدني
عنك ياللي ملك قلبي وانا حبيته
انت همي وحبي وانت مصدر فني
كل طرقٍ عليك من الهوى غنيته
شوف حالي من الفرقا وقلبي حني
وانت تقدر على وصله ولا حنيته
كل ما قلت اشوفك فيك خاب الظني
كل باب من ابواب الهوى سديته
انتبه قبل يمضي العمر منك ومني
ويش يفيدك بتال العمر لا ناديته
"مدارات شعبية"