عليك عيد رمضان يعود يا بلادي
بالنصر والعز والتمكين والعونه
بقيادة اللي على الطّولات معتادي
عبد الله اللي يحفظ الدين ويصونه
القايد اللي محقق كل الأمجادي
زيزوم الأمة بوقفاته وبركونه
صميدع جهبذ ضرغام وقيادي
وبحنكته كل خلق الله يعرفونه
كريم مثل المطر لا سيّل الوادي
والناس في ساعة الشدات ينصونه
راسي نهار المواقف مثل الأوتادي
الله وأكبر وشعبه ساكن عيونه
بداية الخير حكمه والله البادي
خليفة اللي جميع الناس يبكونه
قايد مسيرة بلاد جوها هادي
والشعب قايد مسيرتهم يحبّونه
نفداك يا راعي الطولات ونفادي
والمجد بين الخلايق تستحقونه
الله يحفظك يا بو متعب من العادي
إبك البقاء والمعادي خابت ظنونه
هبّت هبوب النسيم وزغرد الشادي
والورد ريح النسايم حرّك غصونه
والشعر هاضت شجونه داخل افوادي
واسترسل الشعر في بحره ومضمونه
اليوم هذا على الدنيا ما هو عادي
عيد وفرح والمطر جادت به مزونه
العيد عاده علينا ربّنا الهادي
والقايد المنتصر شعبه يهنّونه
يا عل عمره يدوم أفراح وأعيادي
في جاه رب عباده يستغيثونه
وعليك عيد رمضان يعود يا بلادي
بالنصر والعز والتمكين والعونه
"مدارات شعبية"