مرد الخلايق.. للفنا والدجى حالك
ولا دايم.. فيها سوى وجه واليها
نزفت القصيد اللي نزفني بعد ذلك
وتحدّر سحاب من عيوني يواسيها
وفاة الذي شرواك يا شيخ وامثالك
تهز القلوب اللي تعزك وتغليها
عظيم المقام.. ورفعة الشان تزهالك
وسيرة حياتك يرفع الراس طاريها
زعيم القبيلة والزعامة لك لحالك
وشيخ الشيوخ اول حياتك وتاليها
عريب النسب والساس من جدك وخالك
كما النادر اللي ماكره فوق عاليها
سعيت بدروب المجد والمجد يسعالك
تروم المعالي والمواجيب توفيها
ترحّب بمن جاك ونصاك وتعنّالك
وتسعى معه في حاجته لين تقضيها
جزيل العطا يا شيخ ما تدّخر بمالك
كريم ومدّاتك عن الناس تخفيها
خذتك المنون.. ولا خذت طيب افعالك
تخلد بها التاريخ والكل يرويها
أعزي عيالك.. والرجا صار بعيالك
شيوخ عن الزلة تقدّي مماشيها
عسى جنة الفردوس بالخلد منزالك
ويعز القبيلة في ذراهم ويحميها
"مدارات شعبية"