الشعر سلوى للنفوس العليلة
يجري بجسمي مثل ما يجري الدم
والوقت قاسي والليالي طويلة
واليا صدر هم وفرحنا ورد هم
ولا في يديني يوم فكرت حيله
خلّص قراح البير والبير ماجم
يا حظ قل لي وين بيتك واجي له
حيثك شفا من بعد ربي وبسلم
يا حظ وينه منْزِلِك وأعني له
وانت الذي تامر وانا اقول لك سم
ياليت من هو منك يشفي غليله
متى على الله شملنا يوم يلتم
رفعت كفي للولي اشتكى له
دنياً قليل اللي بها اليوم يَرحم
دنيا المصالح والنفوس البخيله
دنيا الحسد والقيل والقال والنَّم
ان تهت فيها ما تلاقي دليله
لا ينفعِك خالك ولا ينفعِك عم
حتى الصداقة صيّروها وسيله
يكسب بها دينار واريال ودرهم
مركب حياتي به حمولٍ ثقيله
فيه الفرح يومين واللي بقى غم
موجٍ يحدر به وموجٍ يشيله
يصارع الامواج في غبة اليم
يقطع مسافات العمر في سبيله
لو نحسب اللي فات نجهل بقى كم
يا الله يا منشي رفيع المخيله
يا مروي اسماعيل من عين زمزم
تجعل عسير دروبها لي سهيله
وقصيدتي فوق الورق حرفها تم
"مدارات شعبية"