للعز يا دار الملوك الميامين
اللي ولو حكمه يشرع وعداله
آل السعود المومنين التقيين
متوارثين ازمام حكمه سلاله
مرحوم من وحد حدوده على الدين
حاله على يدينه تبدل بحاله
ولف قلوب اللي على أرضه مقيمين
توالفو عقب العسر والجهاله
عساه للجنة بصف الرضيين
يشرب من انهار النعيم وزلاله
واللي ولو عقبه على المنهج الزين
محكمين الشرع عقبه عياله
ويا رب طول في حياة الزعيمين
اللي عليهم يعقد الشعب اماله
عبدالله وسلطان ذخر السلاطين
الكل منهم طيبات خصاله
محكمين الشرع بين الخصيمين
بالشرع يعطي الحق للي غداله
والامن ظله عم كل البلادين
الشعب كله عايش في ظلاله
تدعي لهم جملة صفوف المصلين
ما غيرهم حكم يدوّر بداله
لملوكنا نعلن ولانا مطيعين
نفدا الوطن كل بحاله وماله
ولا همنا من يسلك المسلك الشين
واللي على الشينه يبهّر دلاله
نحاربه لو هو من الربع الادنين
الى رهن نفسه لفكر الضلاله
الله يديم لنا الملوك الوفيين
قلته وغيري يعترف به وقاله
كلام من للقيل يوف الموازين
تارد معاني جابته من خياله
لا غاص في غبّه يجيب المثامين
ينقى جزاله ويتجنب هزاله
وصلاة من نزل تبارك وياسين
على النبي اللي تولى الرسالة
"مدارات شعبية"