سقى الله بلاد الجوف من وابل مدرار
محن مرن مرزمٍ ضافيٍ سيله
على نقرة الجوبة على راف لين أشغار
يحدّر على ابو أرواث لين المعيزيله
سقاها من الوسمي حقوق المطر تكرار
صباح ومساء يسقيه صادق هماليله
يربِّع سهلها والوعر بس خط القار
شبيه الزوالي يوم عينك تراعي له
في كل روضٍ ينبت الفقع فيه اكثار
تشوف الزبيدي بينات دحاميله
وتلقى أم سالم تزعج الصوت والأطيار
على كل غصنٍ ساجعات بلابيله
دارٍ فلا حبيت بالكون مثله دار
دارٍ ربينا في مرابع مداهيله
ديرةً هل الناموس والمدح واهل الكار
مستارثين الطيب جيل بثر جيله
لها من قديم الوقت صيت ظهر واذكار
علم الحيا كل المخاليق تدري له
كرام اللحى اللي يكرمون الخوي والجار
واد النفاخ الضيف بالعسر ياتي له
هواها لذيذ وميها نابع فوار
يسقّي بساتين بها الزرع وانخيله
يقدم نماها للمسايير والخطار
كما قال ابن سراح يا سامع قيله
"مدارات شعبية"