قدنا يا بو متعب على العز قدنا
ترى السعد والمجد والعز قدام
وحنا على رب العباد اعتمدنا
نحارب أهل الغدر مع روس الأصنام
ينعم على حكم الشريعة بلدنا
بأمن وأمان وعدل وانصاف وإسلام
يا عزنا يا مجدنا يا سعدنا
يا فزعة المحتاج في عسر الأيام
وحنا على الوعد القديم وعهدنا
وحنا معك حربة وسيفاً وخدام
نحلم ونسمح وإن زعلنا حصدنا
يهتز منا الغرب والشرق والشام
يشهد لنا بالحلم الأقصى والأدنا
وفينا الوفاء والعدل وإعزاز وإكرام
وطلعتنا فوق الثريا وسدنا
وترفع لك البيضاء الصحافة والإعلام
واللي على نعمة بلدنا حسدنا
ما عندنا له غير دوس بالأقدام
وحنا بعون الله حماية بلدنا
فينا ولا وإخلاص من ماضي الأعوام
متواصل من عودنا لولدنا
فدوه لها بالدم واللحم وعظام
حسبي على اللي في بلدنا جهدنا
أهل الدسايس والرذايل والإجرام
وحنا يداً واحده بكامل عددنا
في خدمة البيتين شعباً وحكام
"مدارات شعبية"