مدري أهنيك ولا أعزي احساسي
من حيرة فاجأتني في طواريها
الفرحة اللي بشايرها مع الناسي
حزن يكفن مشاعر خافقي فيها
افراحها من نصيبي وقتى القاسي
واحزانها من نصيب الغير واخفيها
يوم انتصار الأمل.. كيف انتصر ياسي
صحيح لا تأمن الدنيا وبلاويها
الدمعة اللي بعيني تكتم أنفاسي
محتار فيها ولا ادري ويش اسميها
دمعة فرح او حزن.. او دمعة الناسي
مدري ولكني أغليها ولا أغليها
يا فرحة الليل فيني انثنى باسي
مغير اخايل عنا الذكرى واهنيها
واقف على اطلالها واسرح بهوجاسي
من حيرة فاجأتني ويش اسميها
"مدارات شعبية"