يا أول الميزان صرت العلامة
حيك وحي اللي مع الناس مشهور
عبدالعزيز اللي بنى للكرامة
دوله، وخلا منهج الدين دستور
نذر حياته للعدل من فطامه
وساوى ما بين الشعب وامر ومأمور
حكمه وحنكه واعتدال وصرامه
وشجاعة كادت على كل ممرور
قصة طموح تنتهي بالزعامة
ولابد نذكر كل رايد ومنعور
رجالهم كالسيف والا حزامه
ايلين وحدها، وكل على دور
يا باسط الدوله ليا اقصى تهامه
وارض الحجاز، ونجد، واطراف أبا القور
يا مخلد بين القلوب احترامه
ومسجل بين المشاعر له حضور
حفظت للأجيال دين وشهامة
وتاريخ عز يرفع الراس منصور
ومن حقنا نفخر لأنك إمامه
ويبقى الوطن، والحب بالقلب محفور
ويوم الوطن يوم السعد من تمامه
نشوف عبدالله على طول مسرور
حر سلايل حر يتبع كلامه
يحكم بشرع الله نور على نور
ونسوق له مما يليق بمقامه
تهاني فاحت بريحان وزهور
والله يعيد اليوم وانت بسنامه
على الشداد اللي للاجواد مذخور
اقولها والعذر قبل السلامة
ماجور يا شيخ الرجاجيل ماجور
"مدارات شعبية"