يسعد صباحك يا أرض الأمجاد بالخير
يا مرحبا بيومك.. وألفٍ هلا بك
جيتك اسطِّر لك من الشعر تسطير
وأوقِّف أسراب الغلا عند بابك
احملك بقلبي معزّه وتقدير
يا جعلني فدوه لذرة ترابك
جيتك غلا ما يشرحه أي تعبير
الحرف والمعنى وشعري يهابك
وربِّي أحس القلب فرحان ويطير
هذا أول الميزان مولِد جنابك
يا موطني يا ديرة الحب والخير
يا للي كلام الله وشرعه كتابك
يا دار من صلَّى ولبَّي بتكبير
يا مجسِّده أجمل معاني التشابك
الله عطاك أشياء ما عطاه للغير
اختصِّك بشرعه وحكمه ثيابك
ولاَّك من يسعى لك بكل تطوير
حكامك آل سعود.. عدلٍ زهابك
كنتي ولا زلتي تقدُّم وتعمير
من عهد أبو تركي وكلِّ درى بك
من عهد أبو فيصل وحنَّا بتغيير
وفي عهد أبو متعب وصلتي سحابك
وشلون ألوم القلب لاجاك بيطير؟!
دامه سكن أرضك ودامه مشى بك
ما ظن في حبِّك ابحتاج تفسير
لأني سعوديَّة ابفدي ترابك
"مدارات شعبية"