نحمد اللي رد عينك يا سحاب في غمامه
فاتحات الخير هنّت والدي وجا بالسلامه
والله اني في وصوفه رابط راسي عمامه
طيب وراعي مواجب بالفعل اثبت كلامه
(يا يبه) يا تاج راسي يا عضيد لكل هامه
(يا بو عبد الله) وفيت وجالنا دور الزعامه
(يا التميمي) يا سندنا حبك ليوم القيامه
واجب ولازم نرده وأنت للخافق هيامه
الله يجعل في وجودك وسطنا يا بو الشهامه
كم سعدنا في رجوعك في هنا وخير وسلامه
في رجوعك خير دايم ما يغيبه الزوالي
كالجبل راسي متعافي غير عن كل الجبالي
ومحزمي لاجله نشده والقوافي في مقالي
وفزعته للناس تذكر، وش أبو زيد الهلالي
جيت في دنياك مخلص بالقوايل والليالي
وانت تاج للزعامه وانت براس الكمالي
ما يتغير دام زمزم مرويه عيال الحلالي
وأنت عيد للمعيد وأنت للعطشى زلالي
خير لجيال توارث حبنا على كل حالي
يا غلا فجر مشاعر خاطري يا أعز غالي
"الرأي"