البارح أحيي النار والنار حيه
ما غيرانا وايا الدلال المحاديب
شبيت نار الكيف ماهي خفيه
وادنيت ما يجذب علي الشواريب
يا راكب من عندنا باطنيه
ما كلحن ذراعنها بالشواذيب
تفرح إلى أرخي له من الحبل طيه
ركابها ياخذ عليها هناديب
من جيش ربع ينسبون المطيه
من هجن ابن ثاني مقر الضواريب
باقصى النفود وقبله عن أرويه
ما دورت من دون محسن معازيب
تلفي الغروم اللي يديهم سخيه
اللي عشاهم للعرب شمخ النيب
عد تجيه ورود من كل نيه
هداج تيما اللي دروبه لواهيب
يا ما عطوا من مهرة زغزغيه
ومن حرة تكسر قوي المصاليب
شيوخنا بالحال والادليه
والا ترى بعض الامارة مناصيب
"مدارات شعبية"