يا الله يا رازق عبادك بالأنعام
يا دايم ارزاقك على من شكرها
منك العطا للعبد لحتاج وأنظام
يا ميسر إعسارٍ يكدر كدرها
بديت بسمك يا عليم بالأحكام
بنظم القوافي لتلاطم بحرها
وخطيت منهاجي على رووس الأقلام
معانين بدابها من سطرها
الله من قلب من الهم منضام
قلب به الأيام مضت قدرها
وين الصحيب اللي على العز مقدام
الوافي اللي عشرتي ما يهجرها
خطوا الصحيب اللي على الطيب جزام
يصبر على سود الليال ودهرها
هذا وعزي بالرجاجيل الأكرام
أهل العلوم اللي يونس سمرها
عشرة وفاء لأهل الوفاء عز وحزام
والعشره اللي وافيه ما نهجرها
وإلا الدهر تطويه ساعات الأيام
ساعات تمضي مستحيل إنحصرها
ودنيا الفنى ما تجيب ياكود الأوهام
لابد من يوم يصادف خطرها
لابد من يوم يجي فيه حسام
ولا تنفع الدنيا لحيٍ عمرها
"مدارات شعبية"