يا دعيث شب النار يا دعيث شبه
بين القطوب وكاسر البيت نابي
حضر ثلاث معتنين بشبه
ومبرقعات عن دبيب ودابي
فنجالهن يوم القهوجي لعبه
يشدى خضاب مفلجات العذابي
يحوفها قرم قليل المسبه
بعيد عن هرج الخطا والسبابي
واتعب لحمستها وبالنجر كبه
وسوه وعجلها لربع تعابي
نجر إلى صوت بصوت ينبه
قنيب ذيب في علو الشعابي
وليا اشلهبت نارها ثم قبه
تجلب علينا مبعدين غيابي
سرد براده ناطحين مهبه
بس الاشده خاليات الزهابي
لا بركن حطو على النار ضبه
عقب الصرد لاما تجف الثيابي
واعجل لهم واللي على النار صبه
واومر لهم باللي سريع يجابي
نرهي عليه وميرنا ما ننبه
وتكميلة الباقي حلاوي جوابي
هو يدري ان العبد من مد ربه
ولا مد الا مد منشي السحابي
والا دغيم تايه من يسبه
ما قيل هون لوه انحا وشابي
والضيغمي عند الضياغم مربه
وساع الصحون ملغمين الحرابي
لو هو من الاجناب قلبي يحبه
راعي دلال مكرمات اتعابي
"مدارات شعبية"