الله أكبر كم دفن فيك يالعود
وكم رأس شيخ وسدوه بترابك
وكم في ثراك من المطاليق ملحود
والموت كم ورد عظيم لبابك
الموت ما يلزمه ميثاق وعهود
يوفي حسابه وأنت توفي حسابك
من عاش مات وفالنعش صار ممدود
وعقب القصور الشم يسكن خرابك
الأجواد تنقص وأنت يالعود في زود
لا شابعٍ بطنك ولا طاح نابك
واليوم هذا يا ثرى العود مشهود
وكل أدمي فوق البسيطه درى بك
اليوم يبكي المجد والطيب والجود
على أبلجٍ يرفع جنابه جنابك
من هول فقده تنكس أعلام وبنود
ما شفت كم شيخ وزعيم بكابك؟
ضميته بجوفك بلا زند وعضود
بيضٍ ثيابه وأنت سمرٍ ثيابك
أكرم من السحب المزابير والنود
واليوم ضيفك.. أكرم اللي لجابك
ودامك خذيت الفهد ومن قبله العود
الله رفع قدرك وكرّم ترابك
"مدارات شعبية"