نحمد الله خالق الكون رب العالمين
واحد فرد صمد ما لنا رب سواه
ما يخيب اللي رجا الله وبالله يستعين
الله المعبود ما خيب العبد ان رجاه
وندعو الله للفهد يسكنه في عليين
فهدنا فهد العرب يا عسى الجنة جزاه
الفهد ما ينسى لو يطولن السنين
ما نساه الا جحود وربه ما هداه
انظروا في الشعب كله يسار ومن يمين
الفهد لم الشمل والوطن كله بناه
والمدينة والحرم من كبار الشاهدين
والتطور شامل صار يذهل من رآه
والمواطن من وفاة الفهد قلبه حزين
بس ما يجري من الرب للمسلم رضاه
ان توفى الفهد فعله نعيشه كل حين
ما يموت الفهد والليث ابو متعب وراه
عاش ابو متعب خليفة ملوك راحلين
نسأل الله للسلاطين عفوه والنجاه
ونعلن البيعة لقائد مسيرتنا الامين
جعل رب البيت يرعاه ويسدد خطاه
نطلب الله له يوفقه للخير ويعين
ندعو الله له من القلب وانا في الصلاه
للفقر كافح وخصص سكن للعاجزين
عايش اوضاع المواطن وحسن مستواه
اعتنى بالشعب واهتم به والله عوين
مكرماته عمت الشعب يوم الله عطاه
والزيادة في الرواتب لها معنىً ثمين
الهدف منها السعادة لشعبه والرفاه
نشكر الله ثم نشكر إمام المسلمين
خادم البيتين والله بتوفيقه رعاه
ونائبه سلطان دون الوطن درع حصين
هو ولي العهد والجيش طور مستواه
هو كريم الكف رجل الصخا طلق اليمين
وبالسياسه والدها الناس ما تلحق مداه
بالكرم والجود للشعب في عسر ولين
ابو خالد ريف من حسه الوقت وحداه
ونايف اللي للامن ضد من هم عابثين
من تهور وانحرف ما وطا الجاني وطاه
راعي الارهاب خسران في دنيا ودين
ارتكب جرم وتكفير والخالق عصاه
الوطن ما هزه خدوش ناس طايشين
الوطن دونه رجال تصونه من غلاه
الوطن كله من الرب في حرز مكين
دونه آل سعود بالسيف حامين حماه
يا ملوك الشعب حنا جنود طايعين
شعبكم كله على العهد ويجدد ولاه
شعبكم مهما تكون الزوابع ثابتين
ضد راع البلبله والتطرف والغزاه
سايرين في طريق الجدود الاولين
شعبكم شفتوه كله تفاعل من وفاه
الولا والحب لله ثم الحاكمين
للمليك اللي من اهتزت اوضاعه نصاه
والعفو من قادة الشعب للي تايبين
وضد من يقرب حدود الوطن والا نواه
قادة لله وأمة محمد مخلصين
اعتنوا بالشعب حتى تحقق له مناه
هم ذرا للشعب والجار والمتضررين
مجدهم صعب على الغير يعجز ما رقاه
حكمهم بالشرع بين الرعية عادلين
ما وجدنا فرق بين الرعية والرعاه
وبالمساجد والكتاب المنزل معتنين
والمحاكم للقضا والمنابر للدعاه
والامن والعلم في مملكتنا سايدين
ونهضة عمت وطنا على كل اتجاه
السعودي بين كل الدول ماله وزين
زاد دخله واقتصاده وزال الله عناه
والختم صلّوا على خير كل المرسلين
النبي اعداد ما هل وبل من سماه
"مدارات شعبية"