في قلوبنا والله أبد ما توفيت
يا حامل الرايه وحامي وطنا
فهد العروبة عننا ما تخليت
أمنتنا يوم الليالي أخذلنا
يا راعي الجزلات ويا خادم البيت
في غيبتك دموعنا ما عدنا
وعدتنا وبالوعد والله وفيت
نرجى الإله إنه يجازيك عنا
ويسكنك جنات لها دوم صليت
ويرفعك ربي عد ما شلت عنا
وحنا عيالك يالفهد ما توفيت
نبقى على نهجك وسيرتك حنا
وعز الخلف يا عزنا يوم رسيت
حكمك بأبو متعب أبد ما تثنا
وسلطان خير الدار والجود له بيت
انشهد انه ما ابد مال عنا
والله يجبر كسرنا ويرحم الميت
ويعزنا بالدين ويحمي وطنا
"مدارات شعبية"