ضاق الفضا من كبر هول الفجيعه
منها الدمع كله تجّمد بالاحداق
عبرات هاجت بالصدور الوسيعه
تجتال ما بين الحنايا والاعماق
ليت الخبر ما قام كل يذيعه
حتى يصير لشكنا فيه مصداق
بس القدر لو محدثاته مريعه
نرضاه والمخلوق في حكم خلاق
مرحوم ياللي عم طيّب صنيعه
المسلمين بكل الانحا والآفاق
خادم بيوت الله مقيم الشريعه
ولين أدلهم الخطب هو فجر الاشراق
بْرايه وفعله يزيل الهزيعه
بينه وبين النصر بالعسر ميثاق
عساه بالجنه وطه شفيعه
يوم السما تطوى مثل طوي الأوراق
والديره بعز ومكانه رفيعه
أخو الفهد مثل الفهد فعل وأخلاق
عنها يدين أهل المكايد قطيعه
ويبقى علمها فوق الاعلام خفّاق
تمت لأبو متعب من الشعب بيعه
يقودنا وآمالنا فيه تنساق
حنا معه في كل ما نستطيعه
صدق الولاء ما فيه تضليل ونفاق
وبطاعته ولي عهده نطيعه
النادر اللي موثقٍ عهده اوثاق
على النقا ما هوب سر نشيعه
طيب أبو خالد طوّق عقول وأعناق
بهم الوطن صارت حصونه منيعه
جدد مع التطوير عهد وميثاق
بعهد الملوك اللي وفاهم طبيعه
وأمجادهم نورٍ ملأ كل الآفاق
"شعر"