اختفى بدر الدجى وأظلم سمانا
ليلةٍ فيها الفهد راح وتركنا
حلت اسهوم القدر والعلم جانا
الخبر مفجع وباسلوبه ربكنا
يجبر الله في مصيبتنا عزانا
واحد لو نرتجي غيره هلكنا
آه من حر الفراق اللي دهانا
عاث فينا لين بضروسه علكنا
يا فقيد الشعب من بعدك ترانا
ضايقين وضايق فينا فلكنا
افقدوك رجالنا ويضاً نسانا
البدو واللي بوسط الدور سكنا
المصيب اللي فجى بيتك فجانا
همّنا واحد وبالحزن اشتركنا
يا كثير اللوم لا تبحث خفانا
ما تعدينا الحدود ولا انتهكنا
لا تعاتبنا على كثرةٍ بكانا
الملك بقلوبنا حبه ملكنا
ما توجدنا على حي نسانا
الفهد نجم تقدابه سككنا
نذكره بالخير والشاهد وفانا
والدروب اللي سلك معها سلكنا
"مدارات شعبية"