على ملكنا هلّي الدمع ياعين
وابكي على درع الوطن والعروبه
اللي رحل من عندنا يوم الاثنين
وكلٍ يهل الدمع ويلد صوبه
صفوة ملوك الأرض حامي الحرمين
اللي حماها في الرخاء والصعوبه
يوم الحروب الطاحنة يا أحمر العين
جوه الصباح بروسهم واعتزوا به
وقال اجلسوا وأنا صعوط المجانين
وان ما انسحب صدام لطحن حبوبه
واصدر قرارا هز كل المعادين
من حكمته كل الدول رحبوبه
عاد الكويت وقال باقي فلسطين
إن عاش راسي لذهب اللي هقوا به
يا الله يا قابل صلاة المصلّين
تغفر لبوفيصل وتمحي ذنوبه
وتعين أبومتعب إمام المسلمين
الحاكم اللي كل شعبه رضوا به
دستوره القرآن والمنهج الدين
وماشي على منهجهم اللي مشوا به
وسلطان أبوخالد على العسر واللين
ولي عهدك والشريعة اسلوبه
"مدارات شعبية"