فاجعتنا ضيعت منا الدلايل
ماسكين الروس صدمتنا قويه
(الفهد) مات (الفهد) وافي الخصايل
الخبر بقلوبنا يسمع دويه
الحزن أكبر من اشعار ومثايل
رسمها تحتار فيه الابجديه
مات راعي الطيب شيال الثقايل
مروي كبودٍ إلى جت له ضميه
هو سليل العز هو نسل الاصايل
جامعٍ للمجد بكفوف نديه
كافل الأيتام معطي كل سايل
دامح الزلات عن راعي الخطيه
وقفته مع جارنا وقت الصمايل
حكمةٍ حلت تعاقيد القضيه
(خادم البيتين) تثبتها الفعايل
سخر الاموال (للبيت) وخويه
توسعتها معجزه ماله مثايل
ما يريد الا من الله الجزيه
ما يموت اللي له أعمال جزايل
للوطن.. والدين.. وافراد الرعيه
المنابر والوطن دمعه همايل
والطفل.. يبكيه.. وعيون الصبيه
مؤمنين كل ما بلكون زايل
كل نفسٍ ذايقه كاس المنيه
ودعوا (فهد) الزعامه والفضايل
وبايعوا (عبدالله) رجال الحميه
بايعوه الشعب وارجال القبايل
فارس من نسل عذبين السجيه
ولولي العهد سلطان الجمايل
صاحب الكف الندي والشاذليه
بيعةٍ فيها الوفاء لاهل الطوايل
كاسبين المجد بسيوفٍ مضيه
(السعود) معدلين كل مايل
في كتاب الله وفي سنه نبيه
"مدارات شعبية"