ما يجرح الخاطر ولا يشغل البال
إلا هموم في الحشا مستجده
واكبر همومي مظلمة صاحب غال
وعهد الوفا وعهد المحبين هده
واغليه واعزه ولاني بعذال
ولا عمري أسمتعه كلام يضده
الا هلا يا طيب القلب والفال
ترحيب من صافي ضمير يوده
واليوم لا ناشد ولا عنه مرسال
وياللأسف ضاع الغلا والموده
ومن اول مرخص له الحال والمال
واليوم لا أريده ولا ابغى مرده
اليوم ما ريده ولو قيل ما قال
وما عاد به في القلب حاجة تشده
بالكاش والتقصيد والا بالاجال
حبي وحبه يا عرب وصل حده
ومن باعني بابيعه بقرش واريال
وهذي الحقيقة والعلوم المسده
وبكره بيذكرني اليا ما الزمن طال
ويبكي علي بكل ضرف وشده
"مدارات شعبية"