سلامات يا سور الوطن خادم البيتين
سلامات يا ليث الجزيرة وحاكمها
سلامات يا فهد العرب بالقسى واللين
سلامات جعل الله حياتك يسلمها
لنا يا ملكنا وانته اغلى من الغالين
ومحبتك تكبر بالمشاعر معالمها
تقوله مشاعر شعبك اللي معك وافيين
قلوبٍ تحبك وانت لازمك يلزمها
ملكت القلوب وزدت الادنين والاقصين
بمكارم يمينٍ زاد ربي مكارمها
يمينك يمين الخير للمستجير تعين
وتصد الصعاب ونهضة الخير ترسمها
لشعبٍ شملته بالعطا والعدل واللين
وسجايا عظيمه منك شعبك تعلمها
هنيٍ لنا بك يا فهد كل حين وحين
وهنيٍ لدارٍ طيب راسك تزعمها
عظيمٍ بفعلك يا فهد والفعول تبين
وحكيمٍ برايك والقرارات تحسمها
تجود وتذود عن العرب والوطن والدين
زعيمٍ من خيار القيادات واعظمها
على قمة التاريخ لك بالفخر تدوين
جميع البشر لك بصمة الحق يبصمها
عسى الله يديمك ذخر يا خادم البيتين
تقوله قلوبٍ حب شخصك ملازمها
"مدارات شعبية"