صحيح ان الهوى غلاب لكن القلوب صحاح
ومن مثلي وقع في حب صاحي لا تلومونه
ترى هذي من الله حكمةٍ تحظى بها الأرواح
وكم حبٍ بقى مع من شراه ولا وقف دونه
تمر ايام وشهور وسنين وحبنا ما باح
يسجّل في كتاب الحب ممنوع تناسونه
وانا لي صاحبٍ يا أهل الهوى من عادته مزّاح
يمازحني يسليني ويسحرني في فنونه
هموم الوقت لامنه لفاني مبتسم تنزاح
يميز مطلبي يوم ان ربعي ما يعرفونه
يشابه نور وجهه نور شمس في ظلامٍ لاح
وموج البحر والبحّار وأحلامه في عيونه
على شاطئ غرامه لي مراسي جيتها وأرتاح
عسى يرتاح قلبي من عناء ناس يحسدونه
"مدارات شعبية"