طال السكوت وشف لوضعي معك حل
ما صرت في صفي ولا صرت ضدي
حيرتني بأمرك ومني الصبر مل
وصلتني في صبري اليوم حدي
تهت الطريق بخطوتي ليت من دل
ليتك تجي وإلا تروح وتصدي
واهمي اللي تل قلب الشقا تل
إلى متى والوضع منك متردي؟
إن قلت تسكن في حشا الروح ترحل
وتقفي ومن فرقاك ينباح سدي
وأنسى وأقول الهم عن خاطري زل
وترجع عقب ما فارق الدمع خدي!!
ولى غرامك عن عيوني معه ول
ما عاد تفرق كل الاوضاع عندي
"مدارات شعبية"