الفضل لله ثم لاهل العداله
اللي لهم تاريخ الامجاد مشهود
الكل بالامجاد يحمل رساله
والشاهد الواضح على الفعل موجود
واللي صدق ما عاد يلزم سواله
والكذب عيب ومنطق الكذب مردود
وحايل بشير الخير بالعلم جاله
صدر قرار ومصدر العلم ماكود
بموافقة راع الوفا والجزاله
محبوب شعب المملكة صاحب الجود
الله يمهل بالسلامة لياله
اللي يلوذ بجانبه كل مضهود
عضيد أبو فيصل وقلبه صفاله
والشعب للاثنين خدام وجنود
والجامعة حلت بحايل رحاله
من فضل رب الكود والجهد لسعود
أمير حايل كل مجدٍ سعاله
دايم من الامجاد مطلوبه الزود
من حسن ذاته دايم الخير فاله
والفعل للفاعل براهين وشهود
واللي جحد فعل الوفاء من هباله
ضايع ورايه ضاع ما عنه منشود
وسعود كل المجد بالفعل ناله
من شان حايل ما ذخر كل مجهود
مصالحه ما ختار مبدا بداله
لاجله بذل مجهود والمال مرصود
ويضا القرى بالمصلحه ما نساله
ما يفعله واضح وللفعل مجحود
جنوب وشرق وغرب وايضا شماله
فيها اهتمامه دايم ماله احدود
وعبد العزيز اللي مقامه زهاله
نائب وله جهداً موفق ومحمود
صعب المعالي بالفعايل رقاله
ما خاب من هو عينه نائب سعود
ممشا سعود الخير قام ومشاله
والامل بالله والرجا فيه معقود
يالله ياللي لك وصوف الجلاله
تحفظ بلاد الخير عن كل نمرود
وصلوا على من قام باخر رساله
شفيعنا في يوم شاهد ومشهود
"مدارات شعبية"