مديت شوقي في تخاتيخ دنياي
في ساعةٍ تصعب على النكوفه
واليا الهدف ضوحه ورا شوح مرماي
والرجل لا قلط يثمن وقوفه
تشابهت عندي عواني واعداي
وبان الخيال اللي تداحم قنوفه
سندت لخطايه وقلطت يمناي
وطقيت ناتوش الندم والحسوفه
من لا بفكره يفتل وينقض الراي
لابد ما تبدي عليه الكلوفه
وجنبي متين ويلحق الجمة رشاي
يموح عضدي محتري للمروفه
اخذ من دروس التجاريب لقداي
مثل ماقالو بالحداثة بروفه
أبرم رحاة الصعب لا عمست ارياي
من لا وطا رمضا المراجل تطوفه
ادرى الخوي والجار من لظو رمضاي
وعيني عجف رفاقتي ماتشوفه
احرص على اللي رفقته غاية رضاي
وان عضني وقتي بسط لي كفوفه
ولا انخدع في برقةٍ تكبح اخطاي
وجهٍ صحاح ومبطن الغل جوفه
اللي يعاملني علشان مخباي
واليا ابتهج قفى بنفسٍ شحوفه
رايي وللزم راي غيري لمشهاي
كلٍ على ماقيل قاديه شوفه
"مدارات شعبية"