يا صاحبي بالظاهر الوضع فله
ولا الشعور بداخلي ميتا حي
بالصدر شي وشي مكمي.. وخله
وإلى نشدني ناشدا قلت لا شي
ما ابديت بعضه عارفا فيه كله
لبيب.. وإن قالوا وش السالفه عي
لا تفضح الخافي بدقه وجله
يا حيثك لو بينتها زدت ما بي
غبين نفس من الف عله وعله
تعذرت للطب والحقتها الكي
بلاي من وقتا قلب من فطن له
والناس لو هي هي ما عاد هي هي
نفس الوجوه بكل محفل مجله
(والشيف) يجنى الربح من طبخه الني
تذوق المعنى الحرام وتحله
وبالبودره غطت على شكلها السي
من غير حال ممجدين الأهله
يا لو قمرها بالسما كامل الضي
هذي عربنا.. والمثل في محله
ما هزها عشق وطرب زامر الحي
والظاهر إن الوضع يا صاح فله
أطلق حجاجك لا يكدرك ما في