سمعتك قبل هالمرة،، تقول إن الزعل مرفوع
علامك كنّي أشوفك تحاول تبتعد عني
وش الممنوع علمني؟! مدامك تعشق الممنوع
تبيني أكتب جروحي على الصفحات واغني
تبيني اسكت لظلمك واقول لغلطتك مسموع
غريبة كن قبل شوي،، ما!! خيبت لي ظني
أنا اللي لا فزع قلبك،، أصير فداخلي مفزوع
وأنا اللي لا عنت رجلك كأني صرت متعني
وأنا اللي لو تبيني (ماء) أجيلك يا الغلا (ينبوع)
عيونك لو تبيني احلف وانا ظميان يسقني
تجافيني وتهجرني،،، وأصبّر قلبي المفجوع
وأحاول أخفي الدمعة عليك،، ولو ضحك سني
وإذا ذنبي جعلت اسمك على كف الحشا مطبوع
ذنوبي هي عيوبي لو أتوب أكيد يشقني
تحسب إني وأنا أجيلك من جذوع الشجر مقطوع
أنا وان كنت ما تدري ترى جذور الشجر منّي
وإذا كان الزعل مزحة،، طلبتك قفل الموضوع
ترى بعض المزوح جروح بالخفّاق يكونّي
وأنا بصبر على ظلمك،، وأقول إن الزعل مرفوع
ولكن اترك أفكار تحاول تبعدك عني
"مدارات شعبية"